Hayag.mn аппликейшн нь хаяг хэлэх процессийг хамгийн хялбар болгож таны болон бусдын цагийг хэмнэнэ.
Хугацаа дууссан
Амжилттай боссон дүн:
101 санхүүжилт
Урамшуулал
Hayag.mn нь Монгол Улсад хаягжилтын асуудлыг шийдвэрлэх зорилготой дижитал платформ бөгөөд хэрэглэгчид өөрийн байршлыг илүү ойлгомжтой, нарийвчлалтайгаар бүртгэж, бусдад хялбар дамжуулах боломжийг олгодог.
Уг аппликейшнээр иргэн, аж ахуйн нэгжүүд өөрийн хаягийг газрын зураг дээр тодорхойлж, коджуулсан хэлбэрээр хадгалах ба линк, QR код зэрэг хэлбэрээр шууд хуваалцах боломжтой. Ингэснээр хүргэлт, үйлчилгээ, уулзалт зэрэгт зарцуулагддаг цаг хугацаа, зардлыг бууруулж, хаяг олоход үүсдэг хүндрэлүүдийг шийднэ.
Энэхүү аппликейшн нь захиалга, дуудлага, хүргэлтийн үйлчилгээ өгдөг айл өрхүүд, олон хэрэглэгчидтэй аж ахай нэгжүүд, мөн төрийн байгууллагуудад зориулсан хаяг болон хаягтай холбоотой бусад мэдээллүүдийг бүрэн багтаасан нэгдсэн хаягжилтийн систем болж чадахуйц үйлчилгээг санал болгож байгаа юм.
Hayag.mn нь хотын ухаалаг хөгжил, дижитал шилжилтийг дэмжих суурь шийдэл болж, ирээдүйд төрийн болон хувийн хэвшлийн олон үйлчилгээнд ашиглагдах боломжтой платформ юм.
Иймд бид Fundea.mn платформоор дамжуулан Hayag.mn аппликейшн, вэб сайтыг зах зээлд таниулах, хэрэглэгчидийн хэрэглээнд нэвтрүүлэх зорилгоор олон нийтээс санхүүжилт хүсэж байна.
Удаан уулзаагүй багын найзыгаа гэртээ урьлаа. Сайхан цуйван хийж дайлахаар бэлдэж байв. Найз маань ч ирэх дөхөж байв. Гэтэл хаягаа утсаар тайлбарлаж байгаад гал дээр тавьсан хоолоо мартаж орхиж. Ингээд арай гэж найзыгаа олж ирэхэд нь түлэнхий цуйвантай угтсан юм даа. Хэрэв тэр үед Hayag.mn байсан бол ганц линк явуулаад л хаяг тайлбарлахад биш дайлах зүйлсдээ илүү их анхаарах байлаа.
Монгол Улсад хаягжилтийн систем төдийлөн хөгжөөгүйгээс болж бид жил бүр асар их нөөцөө үр ашиггүй зарцуулсаар байна.
Хаяжилтийн ойлгомжтой бус байдлаас шалтгаалан
21 сая км замыг илүү туулж
1.8 сая цаг буюу 864 хүний бүтэн жилийн хөдөлмөртэй тэнцэх хугацааг алдаж
5.6 тэрбум төгрөгийн өртөг бүхий 2 сая гаруй литр шатахуун илүү зарцуулж
4,800 тонн нүүрсхүчлийн хий илүү ялгаруулж байна
Үүнээс гадна хаягжилтийн тодорхой бус байдал нь авто замын түгжрэлийг нэмэгдүүлж, эдийн засагт сөргөөр нөлөөлж, иргэдийн стрессийн түвшинг ч өсгөж байна.
Тэгвэл энэ бүхнийг шийдэхээр зориулан бүтээгдсэн Hayag.mn аппликейшн болон вэб сайт нь тун удахгүй хэрэглээнд нэвтрэхэд бэлэн болоод байна.
Хамтдаа хаягжилтийн асуулдлыг шийдэцгээе.
Зорилгодоо хүрсэн эсэхээс үл хамааран босгосон санхүүжилтийг төсөл хэрэгжүүлэгчид олгоно.
Төсөлд гарч болзошгүй эрсдэлийг судлах нь санхүүжилт олгогчийн өөрийн хариуцлага болно.
Төсөлтэй холбоотой асуулт байвал FAQ орж үзнэ үү.
Үүсгэн байгуулагч, Технологи хариуцсан мэргэжилтэн
Үүсгэн байгуулагч, Санхүүгийн менежер
Үүсгэн байгуулагч, Гүйцэтгэх захирал
Үүсгэн байгуулагч, Мэдээллийн ажилтан
