Дэлхийд “Монгол хүн” брэнд ойлголтыг дээшлүүлэх, соёлын ондоошлыг таниулан, үндэсний оюуны дархлааг бэхжүүлэх шаардлагатай байна.
Бид үүнийг монгол туургатны уран бүтээлчдийг нэгтгэж, тэдний урлагийн бүтээлээр дамжуулан монгол хүний оюуны чадамж, ялгарал, ондоошлыг Дэлхийд харуулж, түгээх болно.
Түүнчлэн Дэлхийн урлагийн зах зээлд Монголын дүрслэх урлагийн 1000 уран бүтээлчийг таниулах, тогтвортой байршуулах, бүтээлийн зах зээлийн эргэлтийг нэмэгдүүлснээр тэдний амьдралын чанарыг дээшлүүлэх боломжийг олгоно.
Мөн урлагийн боловсролын хүртээмжийг нэмэгдүүлснээр нийгмийн сэтгэл зүйд эергээр нөлөөлөх болно. 
Төслийн түүх:
Манай байгууллага 2021 оноос Монголын дүрслэх урлагийн нэгдсэн платформ www.monarty.mn бүтээн, 50 гаруй уран бүтээлчдийн коммюнитиг нэгтгэж, нийт 60 га виртуал орон зайд байрших виртуал галерейг бүтээн, 500 гаруй урлагийн бүтээлийн арт маркетыг үүсгэж, уран бүтээлчдэд олон улсад танигдах, бүтээлээ борлуулах, олон нийтэд дүрслэх урлагт ойртох боломжийг олгосоор байна. Мөн 2022 оноос “Монарти” биет галерейг бүтээн, урлагаар сэтгэлзүйн боловсролын сургалт хөтөлбөрийг корпорацийн 9700 гаруй ажилчдад хүргээд байна.
Бид 2024 оноос “Монгол урлагийг Дэлхийд” хараатайгаар монголын дүрслэх урлагийн салбарын 2400 уран бүтээлчдэд тулгамддаг хувийн брэндинг сурталчлах, бүтээлээ биет болон онлайн хэлбэрээр үзэсгэлэнд оруулах, платформд байршуулахад маш их цаг хугацаа, үйлдэл, санхүү, оюуны өмч, хэлний боловсролын асуудлын шийдэл “Monarty" аппликэйшн V1.0 бүтээж экспортод гаргахад бэлэн болоод байна.
Манай аппликэйшн 3D, AR, VR технологид суурилсан арт галерейн үйлчилгээг нэг системээр хүртэх боломжийг олгоно. Монгол туургатны уран бүтээлч болон Дэлхийн цуглуулагч, галерей нарт 1-3 жил зарцуулдаг брэндинг, үзэсгэлэн гаргах, борлуулалт, хэрэглэгчтэй холбогдох ажлыг олон улсын жишиг нөхцөлөөс 7 хоногийн хугацаанд 10 дахин бага үнээр глобал зах зээлд байрших боломжийг олгоно.
Харин хэрэглэгчдэд гар утсаа ашиглан хүссэн урлагийн бүтээлээ бодит хэмжээсний дагуу хананд байршуулан худалдан авах, дэлхийн арт галерейд виртуалаар аялж, хүртээмжтэй боловсролыг олгоно.
Бид Монгол урлагийг Дэлхийд гаргах ажлын бодит эхний алхам болгож Монарти аппликэйшн дээр Монгол туургатны 1000 уран бүтээлчийн 1000 урлагийн бүтээлийг виртуал үзэсгэлэнг бүтээж, дэлхийд гаргахаар зорин ажиллаж байна. Уг төсөлд шаардагдах санхүүжилтийг босгоход хамтран ажиллах, дэмжих боломжийг хүн бүрт нээлттэйгээр энэхүү платформоор оруулж байна. 
