Eco Club - Эко мэдлэг, дадлыг түгээн дэлгэрүүлэх төсөл

"Эко Клуб" төслийн үндсэн шалтгаан нь дэлхийн уур амьсгалын өөрчлөлтөөс үүдэлтэй сорилтууд, хүрээлэн буй орчны доройтол, байгалийн нөөцийн хомсдол зэрэг дэлхий нийтийн тулгамдсан асуудлууд юм. Монгол орны хувьд байгальд ээлтэй амьдралын хэв маяг төлөвшүүлэх, ирээдүй хойч үедээ эко мэдлэг, дадал олгох нь нэн чухал бөгөөд энэ нь дараах хүчин зүйлстэй холбоотой:  

1. Байгаль орчны доройтол: Ой модны хомсдол, усны нөөц багасалт, агаарын бохирдол зэрэг асуудлууд өдөр ирэх тусам нэмэгдэж байгаа тул үүнийг зогсоох бодит арга хэмжээ авах шаардлагатай.  
2. Ирээдүй хойч үеийн боловсрол: Хүүхэд, залууст байгаль орчны боловсрол олгох, эко дадал хэвшлийг бага наснаас нь эхлэн суулгаж, байгальд ээлтэй иргэн төлөвшүүлэх шаардлага.  
3. Тогтвортой хөгжилд хувь нэмэр оруулах: Уур амьсгалын өөрчлөлтийг бууруулах олон улсын зорилтуудыг хэрэгжүүлэхэд хувь нэмэр оруулж, Монгол Улсын тогтвортой хөгжлийн бодлогыг дэмжих.  
4. Нийгмийн оролцоог идэвхжүүлэх: Сурагчдаас эхлэн эцэг эх, багш сурган хүмүүжүүлэгчид, орон нутгийн иргэдийг хамарсан олон нийтийн оролцоог нэмэгдүүлэх.  

JCI Grand салбар байгууллагаас хэрэгжүүлж буй энэхүү төсөл нь Монгол Улсын хүүхэд, залуусын байгаль орчны боловсролыг нэмэгдүүлэх, байгаль эх дэлхийгээ хайрлах зөв дадал хэвшил олгох, эрүүл амьдралын хэв маягт сургах зорилготой. "Эко Клуб" зуслан нь хүүхдүүдэд мод тарих, хүнсний ногоо ургуулах, хог хаягдлыг зөв зохистой ангилах, ус, эрчим хүчийг хэмнэх дадлыг практик сургалт, сонирхолтой арга хэмжээгээр дамжуулан заах болно. Мөн тус зуслан эмзэг бүлгийн хүүхдүүд, хөгжлийн бэрхшээлтэй болон тусгай хэрэгцээт хүүхдүүдэд нээлттэй бөгөөд тэднийг хамруулах тусгай хөтөлбөрүүдийг багтаасан.